Tanging Hiling

Muli akong nangarap
Habang nakatuon ang tingin sa alapaap
Hawak ko rin ang iyong larawan
Na nais kong isuko sa Kaitaasan

Taimtim kong ibinulong sa hangin
Natatanging laman nitong damdamin
Dalangin kong ito, sayo sana'y makarating
Upang iyong mabatid itong aking panalangin

Handa kong isuko ang lahat
Makamit lang ang pag - ibig mong tapat
Kahit dagat ay aking tatawirin
Sasabay maging sa ihip ng hangin
Mapasakin lamang pag - ibig mo na
aking tanging hiling

Ngunit kung ito'y di pa rin sapat
Kahit anong pilit ay di pa rin dapat
Hayaan mong iluha ko na lamang
Lungkot na aking tangan tangan
Upang pighati ng damdamin
Tuluyan ng maibsan